Շաբաթ, 31 մայիսի, կէսօրին, Վատիկանի Պօղոս Զ անուան սրահին մէջ, հարիւրաւոր մանուկներ
հանդիպում կ՝ունենան Ֆրանչիսկոս Քահանայապետին հետ։ Ձեռնարկը, որուն բնաբանն է ''Լոյսի
յայտնաբերողներ'', կազմակերպուած է` երկրորդ անգամուայ համար, Քահանայապետական մշակոյթի
խորհուդի կողմէ համագործակցութեամբ` Իտալիոյ շոգեկառքի ազգային ընկերութեան։
Ձեռնարկին
կը մասնակցին Իտալիոյ՝ Նափոլի եւ Հռոմ քաղաքներէն վեց դպրոցներ, 9 -10 տարեկան ունեցող
թշուառ մանուկներ, որոնք Վատիկան կը ժամանեն իրենց տրամադրուած յատուկ շոգեկառքով մը
ու առիթ կ՛ունենան այցելելու Սուրբ Պետրոսի պազիլիքան ու ապա հանդիպելու Ֆրանչիսկոս
Քահանայապետին։ Քահանայապետական մշակոյթի խորհուդը` ''Ոչ հաւատացեալներու գաւիթ''
ծրագիրի ծիրէն ներս, մշկութային յատուկ ձեռնարկներ կը կազմակերպէ նաեւ անչափահաս, թշուառ
կացութեան մէջ ապրող ու անտեսուած մանուկներուն ի նպաստ, ընկերութեան այս դիւրաբեկ անձերուն
եւս հնարաւորութիւն ընծայելու` աճելու արժանաւորութեամբ ու դուրս գալու թշուառութենէն
եւ նուաստացուցիչ ապրելակերպէն ։